Coa chegada do outono, o tempo das castañas e os magostos, o alumnado de primeiro e segundo de primaria achegouse ao horto do noso colexio para poder ver de cerca os castiñeiros. Alí fixemos a merenda, puidemos coñecer ben como son os castiñeiros e tamén apañar algunhas castañas. Foi unha visita curta pero moi interesante. Galería de imaxes.
No día de comezo do novo curso escolar, o alumnado de primeiro ciclo de primaria tivo un acto de benvida e presentación no salón de actos. O profesorado, alumnas e alumnos de primeiro e segundo presentáronse e dixeron aos demais como querían que os chamaran e un xeito especial de saudalos.
O alumnado de primeiro e segundo de primaria realizaron o pasado mércores, 19 de xuño, a excursión de fin de curso. O lugar elixido para esta saída foi Aldea Nova en Narón. Alí puideron gozar do contacto con animais e a realización de moitas actividades relacionadas co medio ambiente. Galería de imaxes.
Novamente o alumnado de primaria da Jorge Juan puido participar na xornada de xogos populares organizada polo Concello de Fene. A semana pasada, o venres 24 de maio, desprazámonos ata A Xunqueira para compartir un tempo de xogo con outros colexios do concello. Galería de imaxes.
No Colexio Jorge Juan para celebrar o Día das Letras Galega organizamos unha xornada festiva chea de actividades relacionadas coa lingua, a cultura e as tradicións galegas. Comezamos coa realización de maios entre todos os niveis de infantil e primaria. Despois do recreo tivemos o “Festival Letras Galegas” no que participou todo o colexio. Contamos coas seguintes actuacións: O baile da muiñeira realizado por alumnos […]
Pensando na celebración do Día do Medio Ambiente, o próximo 5 de xuño, o alumnado de primeiro e segundo de primaria decidiu ir adiantando traballo. Gozamos dun momento moi agradable plantando flores no horto. Galería de imaxes
O xoves pasado, 9 de maio, visitou o noso centro un contacontos. O alumnado de primeiro e segundo de primaria tivo ocación de escoitar e participar na narración dramatizada do conto: “O cociñeiro Martiño e as cenorias desaparecidas”. Galería de imaxes
Este venres, e grazas a ANPA, o alumnado do noso colexio puido gozar coa actuación do mago Benxamín. Un espectáculo envolvente e interdisciplinario, onde a maxia estivo en sintonía coa comedia e a música. Galería de imaxes
