Biblioteca

A NOSA BIBLIOTECA DO PLAMBE

A Biblioteca é un espazo de lecturas e centro de recursos da información, onde poder exercitar as competencias intelectuais e emocionais para convivir e construír cidadanía. Un espazo no que lemos, nos informamos e aprendemos.

Desta maneira, e grazas a integración no PLAMBE 2018, estamos a converter a nosa biblioteca nun espazo dinámico e multifuncional ao servizo da aprendizaxe e o desenvolvemento do alumnado, que nos permite a adquisición de competencias clave e a construción dunha sociedade lectora.

Coa axuda de Tortu, a nosa mascota, estamos a facer  da nosa biblioteca un lugar de encontro, de compartir experiencias e exposicións, de lecturas compartidas, desenvolvemento da creatividade, centro de recursos de información e investigación, e un espazo no que medrar xuntos, no que podemos atopar:

• Realización de préstamo xestionado co programa Meiga.
• Diferentes espazos de lectura.
• Zona Lego: desenvolvemento da creatividade.
• Espazo de traballo e estudo.
• Exposicións, entrevistas e recitais.
• Centro de recursos de información e investigación: libros documentais, revistas e novas tecnoloxías (tablets e ordenadores).
• Renovación e actualización de libros e contos.
• Lecturas compartidas, contacontos e apadriñamento lector.

Ademais de todos estes recursos, no curso 2019- 2020 incorporamos á nosa biblioteca a Radio Escolar: “Conexión Tarrío”.  Da que xa podedes desfrutar na canle de Ivoox asociada ao colexio, na que podedes escoitar algún programa realizado durante este curso.

HORARIO   E ACCESO

Entrada pola porta do patio (agás caso de choiva)

• De Luns a Venres no tempo de recreo:
  • Secundaria pode entrar ás 11:15h.
  • Primaria pode entrar ás 11:55h.

Acceso libre nos recreos de Primaria e Secundaria de luns a venres, con mestre de garda. Na porta da biblioteca e nas aulas haberá un horario semanal para o uso dos diferentes espazos e recursos da biblioteca para os diferentes cursos.

• Luns, Martes e Mércores en horario de tarde:
  • 16:00- 18:00 h.

Apertura as tardes de luns, martes e mércores de 16:00 a 18:00h con mestre de garda para acceso e uso libre dos recursos da nosa biblioteca. O alumnado de Educación Infantil e 1º e 2º cursos de Educación Primaria deberá ir acompañado por un adulto. A partir de 3º de Educación Primaria a asistencia poderá ser autónoma por parte do alumnado.

NORMAS DE USO DA BIBLIOTECA

1. Na entrada haberá unhas tarxetas para poder acceder a biblioteca nas súas diferentes zonas:
2. Acceso a mesa de traballo (12 postos, 4 con tablets)
3. Acceso a puff/ alfombra (dentro da biblio) (12 postos, 4 con tablets)
4. Espazo de lectura e conversa (na ventá fora da biblio, 6 postos)
5. Espazo Lego (6 postos)
6. Antes de entrar na biblioteca hai que merendar: na clase ou no patio (prohibido nos corredores e escaleiras).
7. Uso libre pero controlado de tablets e ordenadores. Non se pode descargar aplicacións. Cando remates, pechar ventas e pechar tapas.
8. Recoller antes de irse. Deixar todo no seu lugar.

Biblioteca CPR Jorge Juan Perlío.