BiblioTortu na Rede

A nosa BiblioTortu xa ten o seu espazo na rede, podedes atoparnos en https://bibliotortu.blogspot.com/

Este é o noso blogue.

Neste espazo poderedes estar informados das actividades e propostas que facemos dende BiblioTortu, deixar os vosos comentarios e aportar ideas para a nosa biblioteca.

A última actividade publicada foi sobre o Maratón de Lectura realizado pola celebración do 8M.

Pero non deixedes de visitalo e ver as novas e as noticias anteriores, porque aínda que levamos pouco tempo, tentamos actualizar o blogue coas actividades e novidades da nosa BiblioTortu.

A NOSA BIBLIOTECA NO PROGRAMA FENESTRA DE RADIO FENE.

O pasado  venres 1 de Febreiro acudimos a Radio Fene a presentar o programa da Biblioteca Escolar do noso cole. Fomos unha representación de alumnas e alumnos para contar e demostrar o traballo que estamos a facer.

Este curso entramos a formar parte do PLAMBE (Plan de Mellora de Bibliotecas Escolares de Galicia), polo que estamos a converter a nosa Biblioteca nun espazo dinámico e multifuncional.

Neste sentido e para este curso escolar, a biblioteca convértese en protagonista do noso centro; por unha parte como centro dinamizador de actividades, iniciativas e propostas, e por outra como tema principal do noso Proxecto de Centro: “Descubrimos con Tortu”.

Durante a semana adicada a celebración do día da Paz, na biblioteca realizáronse diferentes actividades e iniciativas, das que xurdiron o “Recital de Poemas pola Paz”.  

Un grupo de nenas e nenos escribiron poemas sobre o Día da non Violencia e a Paz. Xuntáronse, compartiron lecturas, leron aos mais pequenos, e porqué non tamén se animaron a escribir e recitar as súas propias producións. E para que o noso traballo chegara ao maior público posible, Radio Fene brindounos a oportunidade de publicalo no seu Programa Fenestra.

Foi unha experiencia moi positiva, o traballo e o esforzo realizado víronse recompensados. Noraboa aos participantes, e a seguir creando e compartindo o noso traballo e producións cos demais.

Podedes escoitar a gravación na seguinte ligazón.

https://www.radiofusion.eu/actualidade/novas/biblioteca-escolar-ten-que-ser-%C3%BAtil

Día da Non Violencia e a Paz


Que lle pedirías ao Alcalde de Fene para convivir en paz no noso concello?

Con esta pregunta, pretendemos un ano máis poñer en VALOR  e en CONCIENCIA,  esta celebración especial do DÍA DA PAZ. Reflexionamos no noso cole sobre a convivencia pacífica, tanto dentro das nosas aulas como no noso entorno. Así que despois dunha semana de reflexión, e deixar as nosas propostas no “Buzón da Paz”, dedicimos unir as nosas mans nunha longa cadea humana para facerlle chegar as nosas propostas ao Alcalde de Fene. As condicións meteorolóxicas do mércores 30 de xaneiro, fixeron que a cadea fora construida dentro do cole, e as nosas propostas chegaron ao Concello por medio dunha representación do noso alumnado.

O alumnado representando ao noso cole no Concello ante o Alcalde.

Para nos, nenos e nenas dun Concello pequeno de Galicia, alumnos e alumnas dun cole coma tantos, que desexa…, e soña cara un futuro tan incerto como predecible, entendemos que é a nosa  responsabilidade dende o AQUÍ  e o AGORA, comprometernos en determinar os pasos do noso FUTURO. E recuperamos hoxe unha palabra moi especial: CONVIVENCIA.

CONVIVIR: significa, sobre todo en termos de maxia, COMPARTIR cousas con outras persoas diferentes a nos mesmos. E queremos facelo nese significado dun xeito PACÍFICO, ARMONIOSO, SEREO,… e esquecernos  nese camiño das liortas, das ofensas, dos desprezos…, porque…simplemente non as queremos para os NOSOS FUTUROS.

Para o noso futuro de PAZ! De CONVIVENCIA MÁXICA!

A CADEA HUMANA POR UNHA CONVIVENCIA MÁXICA