Cualificacións da ESO

O alumnado da ESO poderá coñecer as súas cualificacións finais o luns 24 de xuño.

O vindeiro día 24 de xuño ás 12:30 en cada aula procederase á lectura persoal das notas finais do alumnado. Deste xeito queda aberto o prazo de reclamacións que durará o luns e o martes día 25.

O mércores 26 ás 12:00 procederase á entrega de boletíns de cualificacións. Os cursos de 1º da ESO poderán recollelos da aula de Plástica e o resto dos grupos da ESO, nas aulas correspondentes.

Letras Galegas 2019

No Colexio Jorge Juan para celebrar o Día das Letras Galega organizamos unha xornada festiva chea de actividades relacionadas coa lingua, a cultura e as tradicións galegas. Comezamos coa realización de maios entre todos os niveis de infantil e primaria.

Despois do recreo tivemos o “Festival Letras Galegas” no que participou todo o colexio. Contamos coas seguintes actuacións:

  • O baile da muiñeira realizado por alumnos da ESO.
  • Regueifas do alumnado de 6º e 5º de primaria.
  • Continuaron 4º e 3º de primaria que cantaron unha cantiga.
  • Seguiron 2º e 1º de primaria unha cantiga dedicada á primavera.
  • A continuación os alumnos e alumnas maiores de educación infantil, os de cinco anos,  fixeron un baile.
  • Os máis pequenos, os de catro e tres, fixeron un recital poesías.

Para rematar contamos coa actuación das “cantareiras do cole” e a actuación do grupo de gaitas da ESO, que animaron a bailar a todos os presentes.

Galería de imaxes

O alumnado da ESO participa no evento “Un mar de muiñeiras”

Este pasado venres 10 de maio e co gaio da celebración das Letras Galegas e a chegada do mes de maio, celebrouse nas instalacións do asteleiro de Navantia o evento “Un mar de muiñeiras”.

Unha representación do alumnado de 1º, 2º e 3º de ESO acompañou aos mestres Montse e Carlos na gran congregación organizada polo Centro de Formación e Recursos a través do Grupo de Traballo de Danza Tradicional.

O acto xuntou a máis de 600 estudantes da comarca de Ferrolterra para bailar unha muiñeira interpretada en directo pola agrupación A Banda das Crechas. O resultado estará disponible a partires do 17 de maio na plataforma Youtube.

Galería