Minimarket 2019.

O pasado venres, día 10 de maio, dous grupos de alumnos/as de 4º da ESO, acudiron ao pabellón das Lagoas, en Narón, para participar cos seus proxectos de emprendedores no Minimarket organizado por AJE Ferrolterra, alí compartiron con rapaces e rapazas de outros centros a súa creatividade á hora de crear novas empresas. Pode que sexa un comezo para moitos rapaces e rapazas da nosa comarca.

Galería de Imaxes.

Concurso de Robótica en Vigo.

O día 26 de Abril de 2019, saímos dezaoito alumnos/as de ESO e dous profesores con destino Vigo, co obxetivo de facer un digno papel na V Competición de Robots da EEI. Éramos conscientes de que o reto ía ser difícil, xa que para todos os alumnos/as esta era a primeira vez e aínda por enriba competíamos contra 170 equipos de centros de toda Galicia. Á chegada dirixímonos ao punto de inscripción, e unha vez inscritos cada equipo foise ao seu tapíz a tomar contacto co circuito. Primeiros nervios, cambio de pilas o robot non vai! seguro que están ben postas! Imos comprobalo …

A primeira proba consistía en que o robot seguise unha líña branca e ao atopar o primeiro obstáculo o bordease pola esquerda e ao atopar o segundo o bordease pola dereita. A segunda proba, o Barrendeiro cebra, consistía en sacar catro latas dun recinto circular de un metro de diámetro no menor tempo posible e sen sairse o robot do recinto.
Que lástima ! Ningún dos nosos equipos pasou a final, sin embargo todos/as xa estaban pensando na vindeira competición, pero esa será outra historia…

Xa cos nervios fóra, visitamos o campus, sacamos unhas fotos diante do edificio Miralles, e fomos a dar un paseo pola praia de Samil dende onde contemplamos as illas Cíes.

Galería de Imaxes.

Programa de prestación por fillas/os menores de tres anos.

Informamos da orde que ten por obxecto concesión da axuda por fillas e fillos menores de tres anos.

A prestación consistirá nun pagamento único por cada filla ou fillo menor de tres anos. A contía será a seguinte:

a) Cando sexa a primeira filla ou fillo: 360 euros.

b) Cando sexa a segunda filla ou fillo: 1.200 euros.

c) Cando sexa a terceira ou terceiro e sucesivos: 2.400 euros.

Pódense beneficiar desta prestación aquelas persoas que teñan fillas ou fillos menores de tres anos nados entre o 1.1.2016 e o 31.12.2017, ambos os dous días incluídos, e que, durante o ano 2017, nin elas nin ningunha das persoas que compoñen a unidade familiar estivesen obrigadas a presentar a declaración polo IRPF correspondente a este período, nin a presentasen de xeito voluntario aínda sen estar obrigadas a iso.

Para máis info e presentación da solicitude picar aquí.

Día Internacional da Auga.

O día 22 de marzo, o noso centro, participará no visionado coordinado do filme “Before the Flood” “Antes que sea tarde”, coa intención de celebrar o Dia mundial da Agua e o Día Internacional dos Bosques.
Unha estupenda ocasión para reflexionar sobre o cambio climático e as accións concretas que podemos tomar para solucionalo.
Máis info sobre a actividade.

Faladoiro con Mulleres.

Nun día tan especial coma o 8 de marzo, foi un orgullo para nós recibir a visita dunha gran muller: María López Rubal, Directora de RRHH da empresa familiar Ortegal Oil. 
Falounos do seu traballo e explicounos o esforzo que require un posto tan importante coma o seu.
Moitísimas grazas!!

Galería de Imaxes.