Coa chegada do outono, o tempo das castañas e os magostos, o alumnado de primeiro e segundo de primaria achegouse ao horto do noso colexio para poder ver de cerca os castiñeiros. Alí fixemos a merenda, puidemos coñecer ben como son os castiñeiros e tamén apañar algunhas castañas. Foi unha visita curta pero moi interesante. Galería de imaxes.
Estimadas familias, deixámosvos os enlaces das propostas dos programas da viaxe de fin de curso, para que poidades botarlles un ollo e escoller entre as dúas opcións, os nenos e nenas levarán unha folla que teredes que cubrir coa opción que máis vos guste. A viaxe realizarase a última semana de curso. Viaxe a Madrid. Viaxe a Portugal.
O pasado venres, día 11 de outubro, os alumnos e alumnas de quinto e sexto de Educación Primaria, realizaron unha ruta pola costa ártabra, dende Valdoviño ata o areal de Pantín, onde fixemos unha recollida de plásticos. Galería de Imaxes.
No día de comezo do novo curso escolar, o alumnado de primeiro ciclo de primaria tivo un acto de benvida e presentación no salón de actos. O profesorado, alumnas e alumnos de primeiro e segundo presentáronse e dixeron aos demais como querían que os chamaran e un xeito especial de saudalos.
A semana pasada dende o 17 de xuño ata o 21 de xuño, os nenos e nenas de Quinto e Sexto de Educación Primaria realizamos a Excursión de Fin de Curso a Cantabria, onde ao longo da semana fixemos un montón de divertidas actividades. Disfrutamos un montón da viaxe. Galeria de Imaxes.
O pasado mes de maio, os nenos e nenas de Quinto e Sexto Curso de Educación Primaria, participaron no concurso de Teño Talento, onde amorason todas as súas habilidades en distintas disciplinas. O xurado tivo moi dificil seleccionar os gañadores pero o máis importante de todo foi a participación e o moito que desfrutamos da xornada. Galería de Imaxes.
Este venres, e grazas a ANPA, o alumnado do noso colexio puido gozar coa actuación do mago Benxamín. Un espectáculo envolvente e interdisciplinario, onde a maxia estivo en sintonía coa comedia e a música. Galería de imaxes
A pasada semana as alumnas e alumnos de sexto de Primaria e 4º da ESO, poideron disfrutar dunha charla sobre a Economía Social, grazas a Mercedes técnico da Rede Eusumo. Foi un pracer coñecer un pouco máis a fondo este tipo de empresas.
