Coa chegada do outono, o tempo das castañas e os magostos, o alumnado de primeiro e segundo de primaria achegouse ao horto do noso colexio para poder ver de cerca os castiñeiros. Alí fixemos a merenda, puidemos coñecer ben como son os castiñeiros e tamén apañar algunhas castañas. Foi unha visita curta pero moi interesante. Galería de imaxes.
“Finalmente, despois de moitos atrancos, chegaron a porto seguro, o Porto da Biblioteca, o Paraíso do que lle falara Borges: un lugar cheo de tesouros afundidos, como lle dixera Virginia Woolf; unha nave espacial que a levaría aos recunchos máis afastados do universo; unha máquina do tempo que a transportaría ao pasado máis remoto e ao futuro más afastado; unha saída a unha vida mellor, […]
Dende esta semana, ademais de visitar a BiblioTortu durante os recreos, tamén podedes achegarvos a nosa biblioteca en horario de tardes; os luns, martes e mércores de 16:00 a 18:00h. Podedes acceder pola porta de acceso dende o patio (xunto ao salón de actos). Achegádevos a consultar información, ler, estudar, consultar a nosa colección de narrativa, levar prestados e devolver libros, e desfrutar dun espazo […]
Desde a aula de Educación Infantil da mestra Adriana Pita propoñémosvos este proxecto de aula no que nais e pais axudan a fillos e fillas a elaborar sinxelas receitas de cociña. Pasade unha divertida tarde cociñando en familia e gravándovos en vídeo. El@s son os chefs! Non perdades este exemplo de David preparando unha macedonia.
Estimadas familias, deixámosvos os enlaces das propostas dos programas da viaxe de fin de curso, para que poidades botarlles un ollo e escoller entre as dúas opcións, os nenos e nenas levarán unha folla que teredes que cubrir coa opción que máis vos guste. A viaxe realizarase a última semana de curso. Viaxe a Madrid. Viaxe a Portugal.
O pasado venres, día 11 de outubro, os alumnos e alumnas de quinto e sexto de Educación Primaria, realizaron unha ruta pola costa ártabra, dende Valdoviño ata o areal de Pantín, onde fixemos unha recollida de plásticos. Galería de Imaxes.
Na edición deste domingo de La Voz de Galicia fanse eco do noso proxecto “Plástico 0%”. O mestre Emilio Vilariño explica o desenvolvemento do proxecto e a importancia de que nos concienciemos e comprometamos con este reto medioambiental. Artigo de La Voz
Susa Herrera estreou a súa última obra En Cabárceno rugidos y canciones para o alumnado de Educación Primaria. A “creadora de cancións” Susa Herrera volveu polo centro para presentar o seu último libro musical. Novos animais e novas cancións que enganchan a pequenos e maiores tanto polas melodías como polas divertidas letras que foron presentadas pola autora para os tres ciclos de Educación Primaria. O público […]
Hoxe comezamos o proxecto “Plástico 0″ valorando o problema do exceso deste material no centro. Durante unha semana encheremos a rede que hai no patio con residuos plásticos para tratar de analizar a realidade deste problema no colexio. Unha vez analizada e valorada a situación trataremos de atopar algunha resposta concreta para cambiala.
