Outro ano máis o Concello de Fene dende a Concellería de Servizos Sociais e Igualdade, organizou o marathón de lectura na Biblioteca Municipal; e como non podía ser menos, o noso Colexio, tamén participou cunha ampla representación de nenos e nenas de diferentes idades e niveis educativos.
Os nenos e nenas de 1º Ciclo de Educación Primaria, realizarán este próximo venres, 9 de marzo, unha visita ao Parque Etnográfico da Capela, onde poderán coñecer e achegarse ao patrimonio cultural galego. A saída será ás 10:00h para chegar sobre ás 13:30 h.
Informamos que o prazo de matrícula para o curso escolar 2012-2013 estará aberto desde o 1 de marzo ata o 10 de abril. Todas as persoas interesadas poden informarse na secretaría do centro ou a través do correo electrónico do colexio. Así mesmo podedes descargar os impresos de matrícula e documentación nos seguintes enlaces: Impresos de matrícula. Documentación necesaria. Baremos de admisión.
Informamos que o prazo de matrícula para a Escola Infantil Colexio Jorge Juan, comezará o día 1 de marzo e rematará o 23 de Marzo. Para descargar os impresos e a documentación que se precisa, premer nos seguintes enlaces: Impresos de matrícula. Documentación necesaria. Para calquera dúbida ou consulta poñerse en contacto co teléfono do centro, correo electrónico ou na secretaria do mesmo.
O Entroido 2012. Bueno, pois o Entroido deste ano xa rematou, foi unha xornada moi divertida e moi intensa. Ao longo da mañá, os nenos e nenas de todo o Colexio Jorge Juan, realizamos un montonazo de actividades. Primeiro fotos, a continuación desfile, logo merenda, baile e por último, despedímonos do noso Meco. Que ben o pasamos!
Informamos da publicación no DOG da orde pola que se establecen as bases para a concesión da prestación económica de pagamento único por fillos e fillas menores de tres anos para este 2012. Poderán beneficiarse desta prestación aquelas persoas con fillos/as nacidos entre o 2 de xaneiro de 2009 e o 1 de xaneiro de 2012 e que, por razón dos ingresos obtidos durante o […]
Xa temos o noso Meco que nos tratará de tolear durante uns días. E o seus mandados son: O LUNS CUNHA GARABATA. O MARTES POÑEMOS A BATA. O MÉRCORES A GORRA. É XOVES UN MANDIL.
Mañá, martes 7 de Febreiro, celébrase o “Día Internacional de Internet Seguro”, o motivo desta celebración é a de sensibilizar aos usuarios deste medio dos perigos e a necesidade de controlar as actividades se realizan neste mundo virtual. Para saber un pouco máis, temos este comunicado de prensa.
O luns, día 30 de Xaneiro, os nenos e nenas do “Colexio Jorge Juan” festexamos o “Día da Paz e Non Violencia” realizando unha serie de actividades relacionadas con este evento. Desde os nenos de Educación Infantil ata os máis maiores de Educación Primaria participamos nas actividades programdas para o día.
