Avda. do Tarrío, 78, 15500 Fene (A Coruña)
Ao longo da semana do 19 ao 23 de xuño, os nenos e nenas de 5º e 6º de Educación Primaria, nos achegamos ata capital, Madrid, para realizar diversas actividades, como foron: visita do Bernabeu, oparque da natureza de Faunia, o parque de atraccións da Warner Bross, Aquopolis, ademais de coñecer os monumentos máis importantes da cidade de Madrid. E de volta coñecimos a cidade de Segovia.
Foi unha semana moi movida e divertida.
Na nosa intención de integrar coñecementos a través de actividades lúdicas que lles motiven e estimulen a súa curiosidade, o luns 19 de xuño, os nenos e nenas de 3º e 4º de Educación Primaria, pasamos o día na Granxa do Souto.
Alí os rapaces tiveron un bautismo hípico, participaron nun taller de millo, na aula de natureza, na horta e poideron interactuar cos animais, ademais de dar un paseo pola beira do río.
Como é tradición, o día 23 de xuño que foi o último día de colexio, os nenos e nenas de primeiro e segundo de Primaria elaboraron a tradicional auga de San Xoán, coas ramas de plantas que trouxeron da súa casa.
Neste curso os alumnos e alumnas de 5º e 3º E.P. participaron no Programa TEI (Titoría Entre Iguais), no que a través de diversas actividades intentaron poñerse no lugar do outro. Neste período de formación, os alumnos e alumnas de 5º realizaron o labor de Titores dos alumnos e alumnas de 3º, intentado resolver os seus conflitos, problemas ou dúbidas de xeito respectuoso e sempre partindo do diálogo.
Todos pasaron por un proceso de formación no que a través de diferentes actividades coñecimos aos demais, expresamos os nosos sentimentos, intentamos resolver conflitos a través do diálogo, e fixemos un traballo de concienciación sobre a importancia de enfrontarnos todos xuntos ao acoso escolar, a combater as desigualdades e axudar aos demais.
Rematamos esta formación e participación no Programa TEI co recoñecemento a todos estes alumnos e alumnas polo seu esforzo, compromiso e actitude positiva, e facemos entrega de diplomas polo súa implicación.
Por un centro escolar respectuoso , un modelo de vida dialogante, unha actitude positiva para afrontar os problemas do mundo e unha maneira de proceder para vivir cada día alonxada das peleas e discusións.
Moitas grazas por todo, e moito ánimo para seguir traballando con esa ilusión.
Este ano os cursos de 4º, 5º e 6º de Educación Primaria, decidimos festexar o Día do Medio Ambiente dun xeito diferente. Saímos do colexio camiñando para coller no peirao de Perlio unha lancha que nos trasladou ata o muelle de Mugardos, onde comezamos unha camiñata bordeando a ribeira da ría de Ferrol para rematar na praia de Chanteiro. Unha vez chegamos fixemos unha limpeza do areal onde colaboraron todos os rapaces e rapazas, despois desta fermosa labor medioambiental, e como premio, disfrutamos dun refrescante baño.
Despois repuxemos forzas nun xantar campestre para coller forzas para a volta camiñando ata Mugardos, onde nos estaba esperando a lancha para levarnos de regreso ata Perlio. Foi un fermoso día.
O pasado mércores, 7 de xunio, os nenos e nenas de 1º e 2º de Educación Primaria, achegáronse ata a cidade da Coruña, para realizar a excursión de fin de curso. Visitaron a Casa das Ciencias e o planetario pola mañá, para disfrutar da comida no Parque de Santa Margarita. Pola tarde, os nenos e nenas dirixíronse ata a Domus para poder continuar coas experiencias científicas.
