Día da Paz 2024

Celebración do Día da Paz no Colexio Jorge Juan de Perlío: Fomentando a Tolerancia e a Solidariedade

Como cada 30 de xaneiro, o Colexio Jorge Juan encheu o seu patio de esperanza, solidariedade e compromiso coa celebración do Día da Paz. Neste día tan especial, unimos forzas para lembrar a orixe e o significado profundo desta xornada que nos convida a reflexionar sobre o valor da paz .

A orixe do Día da Paz remóntase ás Nacións Unidas, que en 1981 declararon oficialmente o 30 de xaneiro como o día dedicado á paz e á non violencia. Esta data coincide co aniversario do asasinato de Mahatma Gandhi, unha figura emblemática na loita polos dereitos humanos e a paz mundial. Desde entón, o Día da Paz serve como lembranza do poder da acción colectiva e da importancia de promover valores como a tolerancia, a empatía e o respecto mutuo.

Na nosa escola, celebramos este día cunha serie de actividades que involucran a toda a nosa comunidade educativa, desde os máis pequenos ata os máis grandes. A participación das familias como público é fundamental para crear un ambiente de colaboración e apoio.

Un dos momentos máis emotivos da celebración foi a lectura e a teatralización da realización dunha apócema máxica da Paz. Neste ritual simbólico, o nosos alumnado combina ingredientes como a tolerancia, a empatía, o respecto e o amor para confeccionar unha apócema poderosa que busca erradicar a violencia e promover a PAZ.

Ademais, os nosos alumnos de Educación Infantil fixeron gozar ao público cun baile especial, irradiando inocencia e alegría nunha actuación que nos enche esperanza para o futuro.

Un dos momentos máis destacados da nosa celebración é a carreira solidaria, na que participan dende os nosos pequenos de Educación Infantil ata os nosos maiores estudantes da ESO e mesmo parte do profesorado. Esta carreira non só promove un estilo de vida saudable e a colaboración entre os nosos estudantes, senón que tamén serve como unha oportunidade para contribuír á loita contra unha causa tan nobre como a leucemia infantil. Grazas á xenerosidade e o compromiso dos nosos participantes, conseguimos reunir unha recadación total de 1.495 euros.

Rematando a xornada tivemos uns momentos de convivencia no patio, onde o alumnado da ESO puxo en marcha un mercado con postos de bocadillos, bebidas e doces de todos tipo. Esta actividade non só fomenta o intercambio e a convivencia entre toda a comunidade educativa, senón que tamén nos lembra a importancia de traballar xuntos para construír un mundo mellor e máis xusto para todos.

Agradecemos de corazón a participación e o compromiso do noso alumnado, profesorado, familias e á ANPA do colexio por axudarnos a facer realidade esta celebración tan especial. Xuntos, estamos a construír un mundo onde a paz e a solidariedade son os verdadeiros protagonistas.

Que a luz da paz nos guíe sempre no noso camiño hacia un futuro máis xusto. Paz e amor!

Fotos da de imaxes Escola Infantil

Galería de imaxes Educación Infantil

Galería de imaxes da carreira (todas a etapas)

Galería de imaxes elaboración da Ápocema da Paz e baile de Infantil

Máis fotografías