Despedimos o Entroido

Despois de celebrar e gozar das festas de Entroido, chegou o momento da súa despedida, arredor da actividade que simboliza o final do Entroido, a queima do Meco, organizamos moitas outras que puxeron fin, do xeito que se merece, a este tempo de diversión e troula.

O Meco é unha parte integral das celebracións do Entroido. Representase habitualmente como un boneco grande e grotesco, relacionouse este ano coa Proxecto de Centro: O bosque animado. Simboliza todo aquilo que se quere deixar atrás co remate do Entroido, e a súa queima marca o final das festividades e o comezo dun novo ciclo.

Durante os días previos á festa, o alumnado foi cumprindo cos mandatos do Meco, seguindo as súas ordes divertidas e creativas. Dende vir ao colexio en pixama ata lucir sombreiros extravagantes, o alumnado seguiu con entusiasmo esta tradición, preparando o terreo para a gran festa que estaba por vir.

Na nosa celebración para despedir o Entroido, participamos en actividades tradicionais, sumándose á enerxía e ao espírito festivo que caracteriza esta época do ano. Entre as actividades realizadas destacaron:

Chocolatada: Para empezar a festa con bo pé, compartimos unha deliciosa chocolatada, que encheu de calor e alegría os corazóns de grandes e pequenos.

Festa de Disfraces: O alumnado acudiu ao centro disfrazado de xeito libre. Desde superheroes e princesas ata personaxes de contos e películas, todos contribuíron a crear un ambiente colorido e divertido.

Desfile de Disfraces: Nun desfile cheo de música e risas, os participantes tiveron a oportunidade de lucir os seus disfraces diante de todo o cole, compartindo as súas creacións e contaxiando o espírito festivo a todos os presentes.

Queima do Meco: Como colofón da festa, procedemos á queima do Meco. Neste momento simbólico, despedímonos dos aspectos negativos ou indesexables do pasado e abrimos paso a novas oportunidades e experiencias. A queima do Meco foi un acto cargado de emoción e significado para toda a comunidade educativa do Colexio Jorge Juan.

A festa do Entroido foi outro éxito grazas ao que máis caracteriza ao noso colexio, á participación entusiasta de todos os membros da comunidade educativa.

Galería de imaxes queima do Meco

Galería de imaxes (Escola Infantil)

Galería de imaxes (Educación Infantil)

Galería de imaxes (Primeiro Ciclo de Primaria)

Galería de imaxes (Segundo Ciclo de Primaria)