Charla de “Primeiros auxilios”

Hoxe, mércores ás 11:00 hrs. visitounos Carlos López, veciño de Fene e técnico sanitario do servizo do 061, cunha dilatada experiencia neste ámbito para relatarnos e ensinarnos contidos referidos ao tema de “Iniciación nos Primeiros auxilios” (unidade didáctica que estamos a desenvolver no sexto curso dende a área de Ed. Física).

Sen dúbida as explicacións, as dúbidas resoltas, a cantidade e calidade das respontas ante as numerosísimas preguntas e os novos coñecementos proporcionados polo relator axudáronnos a ter unha visión máis rica e contextualizada do mundo dos Primeiros auxilios e dos aspectos relacionados con este tema (cadena de supervivencia, valoración primaria…). Moitísimas grazas Carlos! Ata a próxima! …esperamos que sexa pronto!