Campaña de Neve da Deputación 2018.

Comunicar que o Concello de Fene vai participar na “Campaña de  Inverno 2018” organizada pola Deputación da Coruña na estación invernal de Cabeza de Manzaneda (Ourense) e destinada a rapaces e rapazas nacidos/as nos anos  2003, 2004, 2005, 2006 e 2007.

A quenda que lle corresponde aos rapaces e rapazas do Concello de Fene é a terceira: do 23 ao 26 de febreiro de 2018.

Os participantes  disfrutarán de catro días na estación invernal,  cun paquete completo de actividades, cursiños de esquí, aloxamento e manutención no complexo de Manzaneda. A entrada dos rapaces na estación será o venres pola mañán e a saída o luns, despois de xantar.

A Deputación responsabilizarase  do transporte de todos os participantes dende os puntos  de recollida en cabeceiras de comarca, estancia, manutención, monitores, clases de esquí, seguros, alugamento de material, remontes mecánicos na estación e todo o gasto que ocasionen as actividades e cursos programados.

Cada participante terá que pagar unha cota de inscrición de 85 € (oitenta e cinco euros). 

Todos os rapaces e rapazas interesados en participar, deberán facer unha preinscrición nas dependencias municipais de Cultura e Deportes, en Avda. Naturais, nº 44, entrechán (Fene). A data límite para realizar esta preinscrición é o 16 de xaneiro de 2018.

O Concello de Fene ten adxudicadas 8 prazas, polo que no caso de ter máis solicitudes que prazas asignadas realizarase un sorteo público no salón  de Plenos do Concello ante a secretaria  de Concello para adxudicalas.

TERÁN PREFERENCIA OS/AS RAPACES/ZAS QUE NON FORAN A NINGUNHA CAMPAÑA DA NEVE DA DEPUTACIÓN.

Comezo do Programa Aliméntate Ben.

O Cpr Plurilíngüe Jorge Juan inicia hoxe o reparto de froita fresca e leite do Programa Aliméntate ben. Dende o  Cpr Plurilíngüe Jorge Juan somos conscientes, de  que o noso apresurado ritmo de vida, é moi difícil desenvolver unha alimentación sana e variada; por iso e baixo o abeiro do FOGGA, este curso participamos no reparto de froita fresca e leite durante os recreos para todos os nosos alumnos e alumnas, dende infantil a secundaria.
Este programa pretende concienciar a toda a comunidade escolar do fundamental que resulta un consumo de froita fresca e lacteos e para iso estableceu unha serie de axudas económicas que pretende introducir estes productos nas dietas diarias dos nosos estudiantes. A través del, o noso centro fara un reparto diario dunha peza de froita fresca e dun cartón de 200ml de leite para o seu consumo nos recreos,  cunha periodicidade de duas semanas no caso da froita fresca (dende o día 8 ata o xoves 18) e de 20 días lectivos no caso do leite. Dende o noso centro animámosvos a participar e a potenciar o consumo de froita fresca e lácteos todos os días do ano, para ter unha alimetación máis sana e diversa.

Presentación Proxecto TEI Curso 2017-18.

Aproveitando o día de festa pola celebración do Samaín e os orixinais disfraces dos  alumnos e alumnas, fixéronse as presentación oficias entre os participantes do Programa TEI para este curso. Deste xeito, tiveron un tema diferente de conversa na súa presentación: o seu terrorífico aspecto.

Os alumnos e alumnas de 5º de Educación Primaria son Titores e Titoras dos alumnos e alumnas de 3º de Educación Primaria (os titorizados e titorizadas). Ao longo do curso participarán conxuntamente  en diferentes actividades nas que poder coñecerse mellor e afianzar a súa relación de amizade.

Para recoñecer a súa participación e pertenza ao Programa TEI  entregámoslles un brazalete de nomeamento (Titores/as,  Titorizados/as e Axudantes), que poderán lucir durante os recreos e  serán os distintivos que axuden a recordar os compromisos aceptados pola participación no programa, que entre outros son:  a resolución de conflitos mediante o diálogo, cumprir as normas de comportamento e respectar os demais, aprender desta experiencia,…

Esperamos que todos os participantes no programa disfruten desta experiencia, así como que contaxien os seus aprendizaxes e experiencias aos demais.

Galería de Imaxes.

Benvidos/as ao Curso Escolar 2017-2018.

Toda a comunidade educativa que forma parte do Colexio Jorge Juan de Perlio, quixéramos dar a benvida a este novo curso escolar 2017-2018; este ano será un “pouco máis especial” para todos/as nós, debido a que cumprimos 50 anos da nosa aparición no eido educativo; polo que ao longo deste ano tentaremos organizar distintas actividades para festexalo, irémosvos informando, e como non, estaredes todos convidados/as.

Benvidos!!!!!

Información sobre o Servizo de Almorzo.

SERVIZO:

Este servizo ten como  obxecto  promover a prestación de servizo de almorzo aos escolares do Colexio Jorge Juan antes do inicio das clases, pola mañá nos días lectivos do curso escolar.

Este servizo consiste en dispensar un almorzo equilibrado en horario entre as 7:30 h. e as 8:15 h. Establécense tres modalidades de asistencia: fixo mensual (todos os días do mes), quenda laboral (quincenal, por motivos laborais) e esporádico (para a súa utilización en días soltos).

O menú de almorzo comporase  de  froitas, láteos e cereais (nas súas diferentes variedades e axeitadas a alimentación infantil), co fin de  aportar ao menú diario os aportes nutritivos necesarios para unha alimentación variada e saudable. A educación alimentaria, a creación de hábitos saudables e de hixiene formarán parte dos obxectivos principais deste servizo. Read more

Horarios de Secretaria para o verán.

Estimadas familias comunicamos que durante os meses de verán a secretaría do centro abrirá no mes de xullo do 1 ao 21 e do 21 de agosto ao 1 de setembro. O horario de apertura é de 9:30 h a 13;00 h. Polo que, a secretaria permanecerá pechada do 21 de xullo ao 21 de agosto.