Letras Galegas 2019

No Colexio Jorge Juan para celebrar o Día das Letras Galega organizamos unha xornada festiva chea de actividades relacionadas coa lingua, a cultura e as tradicións galegas. Comezamos coa realización de maios entre todos os niveis de infantil e primaria.

Despois do recreo tivemos o “Festival Letras Galegas” no que participou todo o colexio. Contamos coas seguintes actuacións:

  • O baile da muiñeira realizado por alumnos da ESO.
  • Regueifas do alumnado de 6º e 5º de primaria.
  • Continuaron 4º e 3º de primaria que cantaron unha cantiga.
  • Seguiron 2º e 1º de primaria unha cantiga dedicada á primavera.
  • A continuación os alumnos e alumnas maiores de educación infantil, os de cinco anos,  fixeron un baile.
  • Os máis pequenos, os de catro e tres, fixeron un recital poesías.

Para rematar contamos coa actuación das “cantareiras do cole” e a actuación do grupo de gaitas da ESO, que animaron a bailar a todos os presentes.

Galería de imaxes

O alumnado da ESO participa no evento “Un mar de muiñeiras”

Este pasado venres 10 de maio e co gaio da celebración das Letras Galegas e a chegada do mes de maio, celebrouse nas instalacións do asteleiro de Navantia o evento “Un mar de muiñeiras”.

Unha representación do alumnado de 1º, 2º e 3º de ESO acompañou aos mestres Montse e Carlos na gran congregación organizada polo Centro de Formación e Recursos a través do Grupo de Traballo de Danza Tradicional.

O acto xuntou a máis de 600 estudantes da comarca de Ferrolterra para bailar unha muiñeira interpretada en directo pola agrupación A Banda das Crechas. O resultado estará disponible a partires do 17 de maio na plataforma Youtube.

Galería

Xa está aquí a Primeira Edición de Tortu News

O noso repartidor estreando a revista.

Xa podemos desfrutar en todas as clases do cole da Primeira Edición de Tortu News, que coa participación e colaboración de todo o noso alumnado e profesorado puidemos xa publicar.

Nela poderedes atopar diferentes artigos, entrevistas e opinións que neste segundo trimestre foron elaborando as diferentes clases. Deixamos aquí a versión on line, para que tamén podades desfrutar dela, esperando xa as próximas edicións.

https://www.flipsnack.com/cprjorgejuan/revista-tortu-news.html

Sonia Zaragoza, doutora en Enxeñaría Naval e Industrial, co alumnado de 3º e 4º de ESO da Jorge

Este xoves día 9 de Maio, Sonia Zaragoza conversou co alumnado de 3º e 4º de ESO sobre a importancia da formación académica nas enxeñarías e o impacto das mesmas no mercado laboral mediante o emprendemento. Sonia abordou a conversa tendo en conta unha perspectiva feminina e a circunstancia de ser disléxica.
Sonia Zaragoza leva unha empresa de proxección internacional de 50 traballadores, é doutora en Enxeñaría Naval e Industrial, mestra na Escola Politécnica Superior e subdirectora de organización do campus de Esteiro da UDC.

Galería

23 de Abril, Día do Libro

Estes días en BiblioTortu, estivemos a ler para celebrar o día do libro dun xeito diferente. Os maiores leron aos pequenos, nomeando así padriños e madriñas lectores.

O alumnado de Secundaria apadrinou ao alumnado de Educación Infantil, e o alumnado de 4º, 5º e 6º de Primaria, apadrinou ao alumnado de 1º, 2º e 3º.

Que mellor maneira de celebrar o Día do Libro que compartindo lecturas e coñecendo novos compañeiros e compañeiras, coas que compartir gustos e historias. Unha actividade moi satisfactoria tanto para madriñas e padriños lectores, como para os seus afillados e afilladas, que serviu para achegarse á biblioteca e bucear entre as estanterías en busca de contos e libros novos e tamén tradicionais, para ser lidos e escoitados con ilusión e cariño.

Actividade que non tardaremos en repetir para seguir coas aventuras comezadas ou comezar unhas novas.

Alumnado de 4º ESO con alumnado de 6º de Infantil

Galería de Fotos