Excursión Museo Etnográfico da Capela

Os alumn@s de terceiro de primaria visitamos a casa Museo da Capela, casa que ronda xa os 300 anos de antigüedade.

Esta casa está chea de elementos recuperados do olvido, pero a nosa visita nos achega ás formas de vida e ao traballo das xentes da zona, maneiras que están a punto de perderse polo paso do tempo.

Despois da nosa visita fixemos unha ruta a carón do río Sesín, visitando o Soutelo a Carboeira e o Moliño de auga.

Galería de imaxes

24 de outubro, Día da Biblioteca

Cartel elaborado por alumnado de 6º B de Educación Primaria

“Finalmente, despois de moitos atrancos, chegaron a porto seguro, o Porto da Biblioteca, o Paraíso do que lle falara Borges: un lugar cheo de tesouros afundidos, como lle dixera Virginia Woolf; unha nave espacial que a levaría aos recunchos máis afastados do universo; unha máquina do tempo que a transportaría ao pasado máis remoto e ao futuro más afastado; unha saída a unha vida mellor, máis feliz e máis útil, como lle explicara Isaac Asimov. Un lugar onde non necesitaba ser princesa para ser a protagonista de todos os contos. ” 

Texto extraído do Pregón “A sen conto” de Gemma Pasqual adicado a celebración do Día da Biblioteca.

Durante esta semana, aproveitamos para visitar a biblioteca e sumerxernos nun mar de plástico que os compañeiros e compañeiras de 5º de Educación Primaria se encargaron de ensinarnos, presentando algunhas curtametraxes sobre a polución ambiental ós seus compañeiros de EP e EI. As consecuencias da contaminación non é o único que transmitiron. Para que o mundo sexa un lugar máis fermoso onde vivir ensinaron que está nas súas mans, e nas nosas, frear o deterioro do noso planeta.

Deixamosvos unha pequena curtametraxe sobre unha amiga da nosa mascota da biblioteca, Tortu, na que se reflexa a problemática ambiental na que teñen que convivir algúns animais no noso planeta.

Galería de imaxes

BiblioTortu: novo horario.

Dende esta semana, ademais de visitar a BiblioTortu durante os recreos, tamén podedes achegarvos a nosa biblioteca en horario de tardes; os luns, martes e mércores de 16:00 a 18:00h.

Podedes acceder pola porta de acceso dende o patio (xunto ao salón de actos). Achegádevos a consultar información, ler, estudar, consultar a nosa colección de narrativa, levar prestados e devolver libros, e desfrutar dun espazo agradable para aprender e desenvolver as nosas capacidades creativas.

Os ruxidos de Cabárceno escoitáronse na Jorge

Susa Herrera estreou a súa última obra En Cabárceno rugidos y canciones para o alumnado de Educación Primaria.

A “creadora de cancións” Susa Herrera volveu polo centro para presentar o seu último libro musical. Novos animais e novas cancións que enganchan a pequenos e maiores tanto polas melodías como polas divertidas letras que foron presentadas pola autora para os tres ciclos de Educación Primaria.

O público entregouse aos bailes e retrousos que Susa ensina desde o escenario para que a acompañen durante a actuación.

As cativas e cativos de Educación Infantil tamén tiveron o seu concerto, pero cun repertorio escollido entre obras anteriores da artista.

A tropa de Educación Primaria e Susa

Fotos do concerto

Web de Susa Herrera