Visita ao museo de Belas Artes da Coruña

O pasado martes 5 de febreiro, os alumnos e alumnas de primeiro,  e o día 12 os de segundo de primaria, visitaron  o museo de Belas Artes da Coruña. Entre outras grandes obras da pintura puideron coñecer o cadro de Rubens, “Dédalo e o Minotauro”, guiados por educadoras que fixeron máis comprensible e accesible estas obras clásicas.
A xornada rematou coa realización dun obradoiro no que cada neno puido crear o seu propio ser mitolóxico.
Galería de imaxes

Proxecto: “Agora imos andando ao cole”

Radiofusión entrevista ao director do noso centro en relación proxecto: “Agora imos andando ao cole”.

O proxecto é iniciativa da asociación “Stop Accidentes”, ao que se suma o colexio Jorge Juan de Perlío deseñando roteiros seguros para que o alumnado poida acudir a pe ao colexio, a partir do curso que ven.

A entrevista completa pódese ler aquí

Obradoiro de Músico-Terapia na Escola Infantil.

Hoxe, martes 12 de febreiro, as nosas mestras da Escola Infantil organizaron un divertido e interesante obradoiro de Musicoterapia; onde poideron participar os nenos e nenas da nosa Escola Infantil acompañados das súas familias. Realizaron diversas técnicas para fomentar a estimulación e aprendizaxe dos bebés coa axuda da música. Moitas grazas ás familias que se animaron a participar!!!!!!

Galería de Imaxes.

Continuamos co Programa “Perros y Letras”.

Despois de implantar o ano pasado o Programa “Perros y Letras“, orientada a mellorar as habilidades de lectura dos nenos e nenas que presentaban máis dificultades, neste proceso, e debido aos bos resultados acadados con eles; este ano decidimos continuar co mesmo, e polo tanto, contaremos outro ano mais coa compaña da cadela Nora e a súa responsable Laura.

Esperemos acadar os mesmos éxitos que o pasado ano.

Alumnos/as da ESO coa Robótica.

Un grupo de alumnos/as da ESO do noso cole acudirán o vindeiro 26 de abril de 2019 a competir na “V Competición de Robots de la EEI” na Sede Campus da Escola de Enxeñería Industrial da UVigo. Enlace á web do evento http://eei.robots.webs.uvigo.es/

O obxetivo desta competición é acercar a Universidade aos alumnos da ESO e bacharelato ademáis de promocionar as titulacións da EEI e fomentar o interés dos alumnos polas disciplinas STEAM.

A palabra STEAM está formada polas iniciales dunha serie de disciplinas consideradas imprescindibles para formarse na sociedade actual. Concretamente: as ciencias, a tecnoloxía, a enxeñería, a arte e as matemáticas (do inglés: science, technology, engineering, arts e mathematics).

A Competición divídese en dúas categorías: WALLE e R2D2. A Jorge Juan competirá con 5 equipos, formados por un número de entre catro e seis alumnos, na categoría WALL-E que é para alumnos da ESO e bacharelato. Nos vindeiros anos a idea é ir incorporando este coñecemento dentro do curriculum do centro. Xa na “I Competición de Robots de la EEI” organizada no 2015 o noso centro participou con un equipo.

Na Competición cada equipo terá que realizar dúas probas:

1- Segueliñas con obstáculos, o robot deberá de percorrer un camiño marcado con liña branca sobre fondo negro e evitar dous obstáculos situados sobre a liña no menor tempo posible.

2- Barrendero cebra, o robot deberá de sacar catro latas do interior dun círculo de 1 metro de diámetro, con marcas brancas no seu interior, no menor tempo posible e sen sair do círculo.

Ver as bases da V Competición de Robots de la EEI

Acceso a entrevista en Radio Fusión.

A NOSA BIBLIOTECA NO PROGRAMA FENESTRA DE RADIO FENE.

O pasado  venres 1 de Febreiro acudimos a Radio Fene a presentar o programa da Biblioteca Escolar do noso cole. Fomos unha representación de alumnas e alumnos para contar e demostrar o traballo que estamos a facer.

Este curso entramos a formar parte do PLAMBE (Plan de Mellora de Bibliotecas Escolares de Galicia), polo que estamos a converter a nosa Biblioteca nun espazo dinámico e multifuncional.

Neste sentido e para este curso escolar, a biblioteca convértese en protagonista do noso centro; por unha parte como centro dinamizador de actividades, iniciativas e propostas, e por outra como tema principal do noso Proxecto de Centro: “Descubrimos con Tortu”.

Durante a semana adicada a celebración do día da Paz, na biblioteca realizáronse diferentes actividades e iniciativas, das que xurdiron o “Recital de Poemas pola Paz”.  

Un grupo de nenas e nenos escribiron poemas sobre o Día da non Violencia e a Paz. Xuntáronse, compartiron lecturas, leron aos mais pequenos, e porqué non tamén se animaron a escribir e recitar as súas propias producións. E para que o noso traballo chegara ao maior público posible, Radio Fene brindounos a oportunidade de publicalo no seu Programa Fenestra.

Foi unha experiencia moi positiva, o traballo e o esforzo realizado víronse recompensados. Noraboa aos participantes, e a seguir creando e compartindo o noso traballo e producións cos demais.

Podedes escoitar a gravación na seguinte ligazón.

https://www.radiofusion.eu/actualidade/novas/biblioteca-escolar-ten-que-ser-%C3%BAtil